Հայրենակիցներ, հայրենիքի ներսում, Լոս Անջելեսում թե Մոսկվայում, Վանում թե Փարիզում՝ ապրիլի 16-ին հայոց աշխարհը կրկին հաստատեց իր պետություն ունենալու իրավունքը և սկսեց չորրորդ հանրապետության կայացման գործընթացը՝ Արևելյան Հայաստանի տարածքների վրա:
Վերջին հարյուրամյակի ընթացքում, մենք՝ հայերս տարին մեկ անգամ, մեր հայրենիքի սրտում՝ Երևանում, անցյալի և ներկայի միջոցով առերեսվում ենք մեր ապագայի հետ։ Այս տարի արդեն աշխարհասփյուռ հայ ժողովրդի համար ապրիլ ամիսը կատարեց իր զարթոնքի ու արդարության վերականգնման քայլը։
Ապրիլի 16-24 աշխարհասփյուռ հայության երեք սերունդը միասնաբար ո՛չ ասաց Հայաստանի Հանրապետությունում իրեն սպառած քաղաքականությանը։ Հայոց աշխարհը և հայ մարդը մերժեց բռնության ինստիտուտը՝ որպես պետականակայացման գործիք: Ապրիլյան այդ լարված օրերին մեր անցյալը ներկան և ապագան միահյուսվեցին և դարձան կամքով, միացյալ հայրենիք ունենալու ազգային ուխտ:
Դիմում ենք աշխարհի բոլոր կողմերում ապրող հայ մտավորականությանը և հայ մարդուն՝ միասնական մեկ հայրենիք կերտելու համար:
Մենք ակնկալում ենք Ձեր մասնակցությունը, հայ ժողովրդի բոլոր օրերի պատասխանա տվություն կրողը նաև դուք եք։ Մեր առջև հառնել է դարերի և պահի անկասելի հրամայականը՝ համատեղել համայն հայության ներուժը և կայացնել Նոր Հայքը՝ հայոց ավանդական իրավունքներով։
Որպես հայոց աշխարհի իրավունքը ներկայացնող և կենսունակությունը ապահովող նորացված մարդկության քաղաքակրթության կենտրոն, արժեհամակարգի արարման եզակի կենտրոն, ընդունում ենք հայոց բնօրրան՝ Արևելյան Հայաստանի տարածքների մի մասի վրա հռչակված Հայաստանի Հանրապետությունը:
Հայաստանի Հանրապետությունը իրական ինքնակազմակերպման և սպառիչ մարտահրավեր է Ապրիլի 24-ին՝ դեմ հանդիման։
Մենք արդեն 27 տարի դուրս ենք եկել Ապրիլի 24-ի տարածքից և արդեն 27 տարի մտնում ենք ապրիլի 25-ի տարածք, որտեղ միայն կենարար լույսն է՝ որպես իրավունք, նոր սկիզբ և ապագա։
Ապրիլի 24-ին, զոհերի հիշատակի հանդեպ մեր տուրքը մատուցելու հետ մեկտեղ, ոգեկոչում ենք նաև Ապրիլի 25-ը՝ որպես Հայքի վերածնության օր, հայ ժողովրդի ամբողջականությամբ ապրելու բնականոն իրավունքի օր։ Եվ մենք հնչեցնում ենք՝ կեցցե՛ 27-ամյա Նոր Հայքը և նրա միասնական գործող երեք սերունդը՝ աշխարհի բոլոր կողմերում հայրաքաղաք Երևանի հովանու ներքո։
Համահայկական Սենատ՝ Վերնախորհրդի
համակարգող խորհրդի անունից
Կարինե Հայրապետյան
24.04.2018թ․